Карлос Aлькараз Мадрид "Мастерс"ининг сўнгги чорак финалчисига айланди

Жаҳоннинг 9-ракеткаси, испаниялик Карлос Aлькараз турнирининг учинчи даврасида AТР рейтингида 11-поғонани эгаллаб турган британиялик Кэмерон Норрини 6/4, 6/7(4), 6/3 ҳисобида мағлуб этди ва чорак финал иштирокчисига айланди.

Теннисчилар кортда 2 соату 41 дақиқа ҳаракат қилишди. Ушбу вақт давомида Карлос етти марта эйс зарбасини амалга оширди, тўрт бор қўш хатога йўл қўйди ва бешта брейкдан унумли фойдаланди. Кэмерон эса учта эйс ва иккита брейк қайд етиб, икки марта қўш хатога йўл қўйди. Спортчиларнинг ўзаро учрашувларида Алькараз олдинда, 3:0.

Мадрид "Мастерс"ининг ярим финалига чиқиш учун Aлькарас ҳамюрти Рафаэль Надалга қарши баҳс олиб боради.