Каспер Рууд Женевадаги турнирда 1/2 финалга йўл олди

Дунёнинг еттинчи ракеткаси Каспер Рууд мусобақанинг ярим финал иштирокчисига айланди. Норвегиялик теннис устаси 1/4 фирал учрашувида ATP рейтингида 20-ўринни эгаллаб турган аргентиналик Себастьян Баесни уч сет натижасига кўра мағлубиятга учратди - 6/3, 3/6, 6/4.

Бу теннисчилар ўртасидаги учинчи учрашуви эди - 3:0. Икки соату 4 дақиқа давом этган баҳсда Рууд 3, Баес 2 та эйс зарбасини амалга оширган. Брейклар бўйича устунлик ҳам Каспер томонида бўлди - 4 га 3! Энди Рууд финал чиптаси учун италиялик Флавио Коболлига қарши кортга чиқади.