Кай Асакура янги вазн тоифасига ўтганини эълон қилди

Япониялик аралаш яккакураш устаси фаолиятининг катта қисмида жанг ўтказиб келган энг енгил вазн (57 кг гача)дан ўта енгил вазн (61,2 кг гача)га кўтарилишни режалаштирмоқда.

"Мен бироз тайёргарлик кўриш ва ўзимни яна формага келтириш имкониятига эга бўлиш учун оғирроқ вазн тоифасига ўтмоқчиман", - деди Асакура ўзининг шахсий каналида эълон қилинган видеосида. - Мен буни кимдир менга шундай маслаҳат бергани учун эмас, балки ички меним шуни тақозо қилгани учун амалга оширмоқчиман. Мен мағлубиятларни ғалабага алмаштиришни истайман". 

Эслатиб ўтамиз, Асакура 2024 йил декабрь ойида UFC’даги илк жангидаёқ чемпион Александр Пантожага қарши октагонга кўтарилган ва иккинчи раунддаёқ унга бўғиш усули билан ютқазган эди. Кай жорий йилнинг август ойида UFC 319 турнирида 38 ёшли Тим Эллиоттга ҳам айнан иккинчи раундда бўғиш усули билан имкониятни бой берди.