21 фев 17:49
Янгиликлар

Футбол

Каземиро Лионель Мессининг жамоадошига айланиши мумкин

Бразилиялик 33 ёшли ярим ҳимоячи Каземиро фаолиятини МЛСнинг "Интер Майами" клубида давом эттиришга яқин турибди.

Ярим ҳимоячи учун яна бир даъвогар — Каземиро фаолиятини бошлаган Бразилиянинг "Сан-Паулу" клуби. "Сан-Паулу" футболчига фаолиятини якунлагач, клуб тузилмасига кириш имконияти билан 2 йиллик шартнома таклиф қилишга тайёр. Шу билан бирга, Каземиро "Интер Майами" вариантини кўриб чиқмоқда ва аллақачон Флоридада бўлган.

Каземиронинг "Манчестер Юнайтед" билан шартномаси 2026 йилнинг ёзигача амал қилади. Жорий мавсумда бразилиялик манкунианликлар сафида 25 та ўйинда майдонга тушиб, 5 та гол урди ва 2 та голли узатмани амалга оширди.