12 июн 12:14
Янгиликлар

Дзюдо

Кечаги кун қаҳрамонлари. Бизни мағлуб этганлар шоҳсупада + ФОТО

Венгрия пойтахти Будапешт шаҳрида ўтказилаётган дзюдо бўйича катталар ўртасидаги Жаҳон чемпионатининг олтинчи кунги баҳслари ҳам тарих саҳифасидан жой олди.

Хабар берганимиздек, кеча аёллар -78, эркаклар эса -100 кг вазн тоифасида татамига чиқишди. Якунда мос равишда Германия ва Португалия терма жамоалари дзюдочилари ушбу икки вазнда чемпионлик шоҳсупасига кўтарилишди.

Эътиборлиси, -100 кг вазнда чемпион бўлган Фонсека иккинчи босқичда ҳамюртимиз Музаффарбек Тўрабоевдан, кумуш медаль соҳиби сербиялик Александр Куколж нимчорак финалда Муҳаммакадрим Ҳуррамовдан устун келган эди.

Кечаги кун ғолиб ва совриндорлари:

Аёллар. -78 кг вазн тоифаси

1. Анна Мария Вагнер (Германия)

2. Мэделин Малонга (Франция)

3. Гуусе Стинхуис (Нидерландия)

3. Мами Умеки (Япония)

Эркаклар. -100 кг вазн тоифаси

1. Хорхе Фонсека (Португалия)

2. Александр Куколж (Сербия)

3. Варлам Липартелиани (Грузия)

3. Илия Суламанидзе (Грузия)