13 янв 14:04
Янгиликлар

Теннис

Кербер Сиднейдаги турнир ғолибасига айланди

Австралиянинг Сидней шаҳрида теннис бўйича соврин жамғармаси 733 900 долларни ташкил қилган турнир якунланди.

Турнирнинг ҳал қилувчи финал учрашувида германиялик Анжелик Кербер австралиялик Эшли Бартига қарши кортга чиқди. Бир соату 11 дақиқа давом этган баҳсда Кербер 6:4, 6:4 ҳисобида зафар қучди.

29 ёшли Кербер айни пайтда дунё рейтингида 22-ўринни эгаллаб турибди. Сиднейдаги муваффақиятли иштирок олмон теннисчисига 137 125 доллар мукофот пули ҳамда 470 рейтинг очкосини тақдим этди. Кербер учун бу фаолиятидаги 11-соврин бўлди.