21 июн 10:15
Янгиликлар

Футбол

КК–2017. Равшан Эрматов Германия - Чили ўйинида видеоассистент бўлади

Ўзбекистонлик ФИФА рефериси Равшан Эрматов ЖЧ–2018 мусобақасидан аввал ўтказиладиган Конфедерациялар Кубоги–2017 турнирида видеотакрорлар бўйича рефери ассистенти вазифасини бажармоқда.

Россияда бўлиб ўтаётган мусобақада Равшан Эрматов иккинчи ўйинга тайинланди. Ўзбекистонлик ҳакам “B”гуруҳи 2-туридан ўрин олган Германия - Чили учрашувида ишлайди. Ўйин эртага, 22 июнь куни Тошкент вақти билан 23:00 да бошланади.

Маълумот учун, Равшан Эрматов “B”гуруҳи 1-туридан ўрин олган Австралия - Германия учрашувида ҳам видеотакрорлар бўйича рефери ассистенти вазифасини бажарган эди.