16 июл 17:41
Янгиликлар

Бокс/ММА

Коди Гарбрантга "вызов" ташлаган Саидёқуб Қаҳрамонов UFC'даги навбатдаги жангини қачон ўтказишини айтди

Хабарингиз бор, самарқандлик ҳамюртимиз Саидёқуб Қаҳрамонов 10 июль тонгида UFC'даги иккинчи жангини ўтказган эди.

Спортчимиз куни кеча ижтимоий тармоқлардаги саҳифаси орқали мухлислари билан онлайн савол-жавоб ўтказди. Мухлислардан бири Қаҳрамоновга: "Бу йил яна жанг қиласизми?", - дея савол берган. Саидёқуб бу саволга: "Ҳа, октябрь ойида", - дея жавоб берган.

Эслатиб ўтамиз, Саидёқуб Қаҳрамонов UFC'даги биринчи жангини ўтган йилнинг 22 августида Тревер Жонсга қарши, иккинчи жангини эса 10 июль куни Ронни Лоуренсга қарши ўтказган.

Аввалроқ, Саидёқубнинг ғалабасига чемпион Алжемейн Стерлинг, Белал Муҳаммад, Мераб Дваливашвили ва бошқа ММА юлдузлари муносабат билдиришган эди.