03 авг 09:02
Янгиликлар

Бокс/ММА

Колби Ковингтон нуфузли покер турнири финалида ўйнади

Ярим ўрта вазнда UFC чемпионлик камари учун собиқ даъвогар Колби Ковингтон покер бўйича ўтказилаётган нуфузли турнирнинг финал босқичида иштирок этди.

Ковингтон 7000 нафардан зиёд иштирокчи ғолиблик йўлида курашган покер турнири финалида еттинчи ўринни эгаллади. Колби умумий мукофот жамғармаси икки ярим миллион долларни ташкил қилган мусобақадаги иштирокидан 48,298 АҚШ доллари ишлаб олди.

"Seminole Hard Rock Poker Showdown" номи билан танилган турнир Флорида тарихидаги энг катта покер мусобақаси ҳисобланиб, ғолиблик учун 7703 нафар иштирокчи баҳс олиб борди. Бош совринни қўлга киритган Эндрю Песина 225,906 долларга эга бўлди.