UZ

Сўнгги янгиликлар

20:31Жаҳон чемпионатининг учинчи куни 2 та медаль қўлга киритдик, биттаси олтин! 0 19:06"Хабибни отаси қутқариб қолган, акс ҳолда..." 0 18:45Родриго "Реал"да қоладими? 0 18:23"Топурия — карлик. У енгил вазнда қолгани яхши" - мураббий 0 18:01Делла Маддаленанинг мураббийи Ислам Махачевнинг кучсиз томони ҳақида гапирди 0 17:39Двалишвили Пётр Ян билан реванш муддати ҳақида гапирди 0 17:17"Ал Иттиҳод" Педро учун 35 миллион евро таклиф қилди 0 16:53"UFC Умар Нурмагомедовни амакиваччаси туфайли ҳар ерга тиқиштиради" - Двалишвили 0 16:25Уайт Оқ уйдаги UFC турнири 2026 йилда ўтказилиши аниқ бўлганини айтди 0 16:01Ян Блахович UFC'даги кейинги жанги учун шартнома имзолади, унинг Гусков билан тўқнаш келиши айтиляпти + ФОТО 0 15:39Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани) 0 15:17Боксчиларимиз Ливерпулдаги Жаҳон чемпионати учун Шеффилдда тайёргарликни давом эттирмоқда ФОТОГАЛЕРЕЯ 0 14:53Богдан Гусковнинг дўсти Камару Усманнинг укасига қарши октагонга чиқади 0 14:32Зарруҳ Адашев ва яна бир ҳамюртимиз жанг қиладиган UAE Warriors 63 турнирининг тўлиқ карди эълон қилинди 0 14:11"Фенербахче" Моуриньюни бош мураббий лавозимидан озод этди 0

18 мар 19:33
Янгиликлар

Кураш

Комил Рўзиев Осиё-Океания Кураш Конфедерацияси президентлигига қайта сайланди ФОТОГАЛЕРЕЯ

Хабар берганимиздек, шу кунларда Тожикистон пойтахти Душанбе шаҳри кураш бўйича катталар ўртасидаги Осиё чемпионатига мезбонлик қилмоқда.

Бироз аввал ўз тарихида XI маротаба ташкил этилаётган қитъа чемпионати доирасидаги Осиё-Океания Кураш Конфедерациясининг Конгресси бўлиб ўтди. Тадбирда Осиё-Океания Конфедерациясига аъзо федерациялар расмий вакиллари, делегатлар, қўмита раҳбарлари ҳамда оммавий ахборот воситалари ходимлари иштирок этишди. 

Ҳисобот-сайлов Конгресси аввалида Осиё-Океания Кураш Конфедерацияси президенти Комил Рўзиев ташкилот томонидан тўрт йил давомида амалга оширилган барча йўналишлардаги ишлар юзасидан ҳисобот берди. Қайд этилишича, бутун дунёда юзага келган коронавирус билан боғлиқ пандемик барча спорт турлари қатори курашга ҳам ўзининг салбий таъсирини ўтказмасдан қолмади. 2019-2020 йиллар давомида Конфедерация тақвим режасидан ўрин олган халқаро мусобақалар деярли ўтказилмади. Ўтган йилдан катта кураш яна қитъага қайтди. Қитъавий чемпионатлар, халқаро мусобақалар ўтказила бошланди. 

Маълумот учун, бундан аввалги Осиё чемпионати 2018 йилнинг 22-25 март кунлари бўлиб ўтган эди. Ўшанда юбилей Х Осиё чемпионатига Ҳиндистоннинг Пуна шаҳри мезбонлик қилганди. Пунага қадар қитъа чемпионатларига Тошкент, Шаҳрисабз (Ўзбекистон), Деҳли, Керала (Ҳиндистон), Теҳрон, Машҳад (Эрон), Қобул (Афғонистон), Улан-Батор (Мўғулистон) ва Байрут  (Ливан) шаҳарлари мезбонлик қилган эди. Осиё олимпия кенгашининг 2017 йил 20 сентябрдаги Бош Ассамблеясида эса кураш 2018 йил Индонезияда бўлиб ўтган ёзги Осиё ўйинлари дастурига расман киритилганди. 

Шундан сўнг Конгресснинг асосий воқейлиги - Осиё-Океания Кураш Конфедерация президентлиги учун сайловга навбат берилди. Унда делегатлар бир овоздан Комил Рўзиевни янги тўрт йиллик муддатга президент этиб сайлашди. Ҳамюртимиз 2017-2021 йиллар оралиғида Осиё-Океания Кураш Конфедерациясини муваффақиятли тарзда бошқарди. Пандемик вазиятга қарамай, тўрт давлат Осиё кураш оиласига қўшилди. Бугун Конгрессда эса Саудия Арабистони Конфедерациянинг янги аъзоси сифатида таништирилди. Комил Рўзиев Конфедерациясининг янги тўрт йиллик даври мобайнидаги асосий мақсади миллий курашимизни Олимпиада дастурига киритиш бўлишини алоҳида урғулади. 

Шунингдек, Конгресс давомида Конфедерацияга янги вице-президентлар, ижроия қўмита аъзолари ҳам сайланди. Лоикжон Ашуров (Тожикистон) ва Ҳамед Фарман (Қувайт) Осиё-Океания Конфедерацияси вице-президенти, Фарруҳ Саидкулов (Ўзбекистон) Бош котиб, Короуш Ҳосрояр (Эрон) техник директор лавозимларига сайланди. Шу билан Осиё-Океания Кураш Конфедерациясининг Конгрессига якун ясалди.

Суратлар муаллифи - Алимурод МАМАДАМИНОВ, ўз мухбиримиз Душанбе шаҳридан махсус

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг