"Конор айнан мен билан жангни истамоқда" - Чендлер

Аввалроқ, Конор Макгрегор Оқ уйдаги турнирда Майкл Чендлер билан жанг қилишни истаётганини айтганди.

"Бир нарсани аниқ айтишим мумкин: кутилмаганини кутинг. Бу иш билан Дана Уайт ва Дональд Трамп шуғулланаётганда, уларнинг маҳоратидан келиб чиққан ҳолатда, ҳамма нарсани кутиш мумкин. Бу жентельменлар учун имконсиз нарсанинг ўзи йўқ. Бу тенги йўқ шоу бўлади.

Албатта Конор нима деганини ўзингиз эшитдингиз. Бизнинг жангимиз амалга ошиши керак. Бизда ўз тарихимиз бор - у билан бирга The Ultimate Fighter шоусида иштирок этганмиз. У айнан мен билан жанг қилмоқчи. Мен ҳам айнан у билан жанг қилмоқчиман. Бу Оқ уйдаги UFC турнири учун идеал марказий жанг", - деди Майкл Чендлер.