Конор Макгрегор Махачев — Гэрри жангига ўз тахминини айтди

Ирландиялик 38 ёшли аралаш яккакураш устасининг фикрича, Мачадо Ислам устидан ғалаба қозонади. Ушбу жанг 16 август тонгида АҚШнинг Филадельфиясида бўлиб ўтадиган UFC 330 турнирининг асосий воқеаси бўлади.

"Бу йигит ҳақиқий истеъдод эгаси ва мен Йен чемпион бўлишига ишонаман", — деб ёзди Макгрегор ижтимоий тармоқдаги Гэрри билан бўлган интервью остидаги изоҳларда.

Айни дамда Махачев UFC`да 16 та ғалабали серия қайд этмоқда. Ислам ҳисобида жами 28 та ғалаба ва битта мағлубият бор. Россиялик спортчи Нью-Йоркдаги UFC 322 турнирида бўлиб ўтган сўнгги жангида австралиялик Жек Делла Маддалена билан тўқнаш келган эди. Жангда UFC`нинг ярим ўрта вазн тоифасидаги чемпионлик камари тикилган бўлиб, у ҳакамларнинг якдил қарорига кўра Махачевнинг ғалабаси билан якунланганди.

Йен Гэрри эса ўтган йилнинг 22 ноябрь куни Қатарда бўлиб ўтган сўнгги жангида асли фаластинлик Белал Муҳаммадни очколар ҳисобига кўра таслим этган эди. Ирландиялик жангчининг профессионал рекордида 17 та ғалаба (шундан саккизтаси муддатидан олдин) ва битта мағлубият бор.