Конор Макгрегор: “Мисли кўрилмаган нокаутга гувоҳ бўласиз”

Машғулот якунланганидан сўнг мақтанчоқлиги билан ажралиб турган Макгрегор мухлисларга мурожаат қилди.

“Мисли кўрилмаган нокаутга гувоҳ бўласиз, - деди Макгрегор. - Қўл ва оёқда йўллайдиган зарбаларим ортиқча қийинчиликсиз ўз манзилига етиб боради. Хабиб оёқда жуда секин ва оғир ҳаракат қилади. 

Унинг жанг олиб бориш услубини кечагина ушбу спорт тури билан шуғуллана бошлаган оддий бола ҳам билади. Ишонинг, мен уни нокаутга учратман. Унинг мукаммал ҳисобланаётган кураш усули, қандайдир техникаси мени қизиқтирмайди ва қўрқитмайди ҳам. 

Мен унинг бош қисмига боксда раунд якунланганини билдирувчи бонгни қандай уришса, худди шундай темпда зарба беравераман, беравераман. Натижада у нокаутга учрайди”.