Конор Макгрегор мусулмонларга мурожаат қилди

Ирландиялик аралаш яккакураш устаси мусулмонларни ойларнинг султони - Рамазон билан муборакбод этди.

"Барча мусулмон дўстларим ва мухлисларимга буюк Рамазон ойи муборак бўлсин. Абу-Даби ва Дубай сеҳрли диёр, мен оилам билан бу ерда ўтказадиган ҳар бир кунимни қадрлайман. Шахсан менга машғулот ва сайёҳат учун энг яхши жой. Одамлари ва ҳаёт тарзи умуман бошқача", - дея ўзининг ижтимоий тармоқдаги саҳифаларида табрикнома қолдирган Конор. 

Таъкидлаш жоиз, авваллари Макгрегор Хабиб Нурмагомедов билан зиддиятида кўп бор ислом динига, хусусан Хабибнинг эътиқодига нисбатан  ҳақоратли ҳаракатларни амалга оширганди. Матбуот анжуманларида Хабибга ўз бренди остида чиқариладиган виски ичишни таклиф қиларди.