Конор Макгрегор: “Реванш жангида Мейвезерни аниқ мағлуб этаман”

Ўн икки раундга мўлжалланган ўша жангда Флойд Конорни техник нокаут эвазига мағлубиятга учратганди. Ирландиялик спортчи хатолардан тўғри хулоса чиқариб олгани ва реванш жанги ўтказилса, албатта рақибини мағлубиятга учратишини айтди.

“Ишончим комил, агар яна бир  бор у билан бокс рингида тўқнаш келсак, мен Флойдни мағлубиятга учрата оламан. Мен ҳозир шуни хис қиляпман. Биринчи жангдан ўзимга тегишли хулосаларни чиқардим. Лекин энди уни рингга чорламоқчи эмасман. Балки, ўзи чақирар”, — деди Макгрегор.