08 июл 10:02
Янгиликлар

Бокс/ММА

Конор ўзини Шон-шараф залига кириш учун муносиб ҳисоблайди

Ирландиялик UFC жангчиси Конор Макгрегор ўзини Шон-шараф залига кириш учун муносиб ҳисобламоқда.

"Шон-шараф залига киришни интиқлик билан кутяпман, бироқ мен номзодман. Номзодлар ичида биринчи рақамлисиман. Барча рекордлар менга тегишли. Тезкор нокаутлар ва нокдаунлар сони. Икки вазнда энг кўп нокаут амалга ошириш. Молиявий кўрсаткичлар. Ва ҳоказолар. Мен шошмаяпман, ҳали ҳам рақибларимни эс-ҳушидан айиришга тайёрман. Ҳақиқий жангчи", - деб ёзган Макгрегор ижтимоий тармоқлардаги саҳифасида.

Эслатиб ўтамиз, Конор Макгрегор сўнгги бор ўтган йилнинг 11 июлида, Дастин Порьега қарши жанг қилган эди.

Аввалроқ, ирландиялик жангчи Хабиб Нурмагомедовнинг Шон-шараф залига киритилганини "тролл" қилган эди.