Конор Хабибга: "Қочиб кетибсанда, каламуш!"

Номаълум сабабларга кўра, Макгрегор анжуманга кечикиб келди. Россиялик жаҳон чемпиони эса ирландиялик рақибини ортиқ кутиб ўтирмасдан, ўзи учун аталган саволларга жавоб қайтарди. Конор эса кейинчалик матбуот ходимлари қаршисида пайдо бўлиб, кечикиш сабабларини тушунтирди.

“Бир неча дақиқагагина кечикдим. Шунга шунча ваҳимами? Нима, мени кутиб тура олмадими? Ҳа, у қўрққанидан шундай қилган. Мен билан юзма-юз кўришишдан чўчиган. Майли, вазн ташлаш учун кетаверсин. Бу нарсани шахсан мен хоҳлаяпман. Бу каламуш ўзининг сохта чемпионлик камари билан қочиб кетибди. Эртага ким ҳақиқий чемпион эканлигини кўрсатиб қўяман”, – деди Макгрегор.