Константин Курашев: "Ҳумо" ҳақли равишда ғалаба қозонди

"Ўйинни ёмон бошламадик, ташаббусга эга бўлдик. Аммо, ҳимояланаётган жамоага қараганда ҳужум қилаётган жамоанинг кучи кўпроқ кетади. Иккинчи периодда эса тўлиғича ютқаздик. Ташаббусни бериб қўйдик, период давомида бор-йўғи 4 маротаба рақиб дарвозаси томон зарба бердик. Уларнинг 3 таси сўнги беш дақиқаликда бўлди. Бу албатта ёмон. Ҳимояда ҳам хато қилдик, кераксиз четлатишлар бўлди. Оқибатда рақиб бизни жазолади. "Ҳумо" ҳақли равишда ғалаба қозонди деб ҳисоблайман".

-Эски дўстларнинг учрашувида шундай бўлиши керакмиди? Хоккей томонлама олиб қарайдиган бўлсак, ўйин ажойиб ўтди. 

-Ҳа. Мухлислар учун жуда қизиқ ўйин бўлди. Евгений ("Ҳумо" бош мураббийи назарда тутилмоқда - Olamsport.com) мураббийлик фаолиятим учун барча ишни амалга оширган. Швейцарияда ишлаганим, умуман, мураббий бўлишимда унинг хизматлари катта. Мен унинг оиласидан миннатдорман. Яхши дўстларни учратиш доимо ёқимли. 

-Бу сизларнинг илк расмий ўйинингизмиди?

- Ҳа. 

"Ҳумо" матбуот хизмати ёрдамида тайёрланди