29 авг 14:15
Янгиликлар

Теннис

Контавейт Кливлендда тенгсиз!

АҚШнинг Кливленд шахрида теннис бўйича яна бир WTA турнири якунланди.

Tennis in the Land турнири бош соврини эстониялик Анетт Контавейтга насиб этди. Дунёнинг 30-ракеткаси 5 дақиқаси кам 2 соат давом этган баҳсда WTA рейтингида 74-поғонадан жой олиб турган руминиялик Ирина-Камелия Бегудан устун келди - 7/6(5), 6/4.

Учрашув давомида 25 ёшли Контавейт 2 та, 31 яшар Бегу эса 5 та эйс зарбасини ижро этди. Бу теннисчиларнинг ўзаро ўтказган илк учрашуви эди. Tennis in the Land турниридаги муваффақиятли иштирок Контавейтга 280 очко ҳамда 29,200 доллар келтирди.