26 апр 14:02
Янгиликлар

Теннис

Mutua Madrid Open. Анетт Контавейтда мағлубият

Испания пойтахти Мадрид шаҳрида теннис бўйича нуфузли Mutua Madrid Open турнирининг асосий тўр баҳслари бошланди.

WTA рейтингида 87-поғонага тушиб кетган эстониялик Анетт Контавейт илк даврада дунёнинг 52-ракеткаси, чехиялик Каролина Муховага икки сетда ҳам бир хил ҳисобда имкониятни бой бериб қўйди - 2/6, 2/6.

Саксон икки дақиқа давом этган баҳсда Контавейт 2, Мухова 4 та эйс зарбани амалга оширган. Теннисчиларнинг ўзаро учрашувларидаги ҳисоб йирик кўринишга келди - 3:0. Энди Каролина Mutua Madrid Open турнирининг иккинчи босқичида руминиялик Ирина-Камелия Бегуга қарши кортга чиқади.