Копа Америка-2019. Месси қизил олган ўйинда Аргентина бронза медалларига эга чиқди + ВИДЕО

Учрашувнинг 12-дақиқасида аргентиналиклар сардори Лионел Мессининг чиройли пасидан сўнг, Серхио Агуэро ҳисобни очди. Кейин эса Пауло Дибала орадаги фарқни оширди. Ўйиннинг 37-дақиқасида Месси рақиб сардори Гэри Медель билан жанжаллашиб кетди ва ҳакам иккала футболчини майдондан четлатди.

Иккинчи бўлим бошларида эса Артуро Видал пенальтини аниқ амалга ошириб, ҳисобни қисқартирди ва ўйин ушбу натижа билан якунланди. Аргентина терма жамоаси ўз тарихида бешинчи бор Копа Америка бронза медалларини қўлга киритди.

Аргентина – Чили 2:1 (2:0, 0:1)

«Арена Коринтианс»

Голлар: 1:0 – 12 Агуэро, 2:0 – 22 Дибала, 2:1 – 59, пенальти Видаль.

Аргентина – Армани, Отаменди, Тальяфико, Пеццелья, Фойт, Паредес, де Пауль, Ло Чельсо (Фунес Мори, 90), Агуэро (Суарес, 81), Дибала (Ди Мария, 67), Месси.

Чили – Арьяс, Исла, Диас, Хара (Марипан, 50), Босежур, Видаль, Арангис (Кастильо, 83), Санчес (Фернандес, 17), Пульгар, Варгас, Медель.

Огоҳлантиришлар: Босежур (16), Видаль (26), Пульгар (45), Пеццелья (57), Паредес (63), Фойт (79), Тальяфико (90).

Четлатишлар: Медель (37), Месси (37).