Копа Америка. Перу сенсацион тарзда Уругвайни мусобақадан чиқариб юборди

Ўйиннинг асосий вақтида ҳисоб очилмади. Пенальтилар сериясида эса Перунинг қўли баланд келди. Футбол лотореясида ягона ноаниқ зарбани тўпга биринчи бўлиб яқинлашган уругвайликлар форварди Луис Суарес йўллади. Перу дарвозабони Гальесе учрашувнинг энг яхши футболчиси деб топилди. 

Шу тариқа, Перу терма жамоаси 4 июль куни (Тош. вақти - 05:30) Чили вакиллари билан финал йўлланмаси учун кураш олиб боради. Иккинчи ярим финалда Бразилия ва Аргентина терма жамоалари майдонда саф тортишади. 

Уругвай – Перу 0:0 (0:0, 0:0)

"Фонте Нова" стадиони

Пенальтилар серияси - 4:5

Уругвай – Муслера, Касерес, Годин, Гонсалес, Хименес, Нандес (Торрейра, 57), де Арраскаэта, Бентанкур, Вальверде (Стуани, 90), Суарес, Кавани.

Перу – Гальесе, Трауко, Адвинкула, Самбрано, Абрам, Йотун, Флорес, Куева (Руидиас, 85), Каррильо (Гонсалес, 75), Тапия, Герреро.

Огоҳлантиришлар: Годин (33), Самбрано (49), Куева (63), Вальверде (70).