19 июл 07:43
Янгиликлар
Таэквондо
«Korea Open» мусобақасини бронза медали билан бошладик ФОТО
Хабарингиз бор, Жанубий Кореянинг Жежу шаҳрида таэквондо WTF бўйича рейтинг мусобақаси бошланди.
Кеча ўсмирлар ўртасидаги баҳслар бошланди. Беллашувларда -45кг вазн тоифасида юртимиз шарафини ҳимоя қилган Амирбек Тўраев учинчи ўринни эгаллади.
Ҳамюртимиз юқори рейтингга эга бўлганлиги сабабли (ўз ёш тоифасида жаҳон рейтингида иккинчи ўрин) мусобақани иккинчи даврадан бошлади. У илк жангида россиялик спортчини 23:1 ҳисобида мағлубиятга учратди. Ярим финалда эса таиландлик рақибга бир очко фарқи билан (8:9) имкониятни бой бериб қўйди. Шу тариқа ҳамюртимиз мусобақада бронза медали билан кифояланди.
Эслатиб ўтамиз, мусобақада биринчи ўринни қўлга киритган спортчи 20 рейтинг очкосига эга бўлади. Иккинчи ва учинчи ўринни қўлга киритган спортчилар эса мос равишда 12 ва 8 очкони ўз ҳисобларига қўшиб қўйишади.
Ҳавола :
Манба : olympic.uz
Фикрлар