Кори Андерсон Емельяненкога: "Сенинг кимлигингга тупуриб қўйганман"

Андерсон Bellator 277 турнирида россиялик Вадим Немковга қарши кечган жангдан сўнг шу мавзудаги саволга жавоб берган.

"Емельяненко ёнимга келиб: "Бугун ғалаба қозонмадинг. Сен бош билан зарба йўлладинг" деб айтди. Фёдор, нималар деяпсан? Бу билан нима демоқчисан? Мен сенинг болангни мағлуб этмадимми? 

"Мен ўша вазиятда Немковнинг ўрнидан туришига ёрдам бердим ва бу кутилмаган ҳолат экани, атайин қилинмаганини айтдим. Бу бахтсиз вазият ва бунда ҳеч кимнинг айби йўқ. Емельяненко эса буни тан олгиси келмаяпти. "Сен афсонамисан ёки бошқаси, очиғи бунга тупуриб қўйганман", – дея Андерсоннинг сўзларини келтирмоқда TMZ.

Эслатиб ўтамиз, Немков ва Андерсон ўртасидаги чемпионлик жанги шанба куни Bellator 277 турнири доирасида ўтказилиб, унда Кори боши билан Вадимга зарба йўллаганди. Натижада ҳакамлар ушбу жангни ўтказилмаган деб топишганди. Жанг тўхтатилгунига қадар дуранг натижа қайд этилаётганди.