Кормье учта камар учун кураша оладиган уч нафар UFC жангчисини санаб берди

Ҳозирда Топурия енгил вазн чемпиони, Чимаев ўрта вазн чемпиони, Перейра эса яримоғир вазн чемпиони ҳисобланади.

"Менимча, Топурия учта камар учун жанг қила олади. Перейра ҳам шундай. Чимаев эса учта вазн тоифасида жуда юқори даражада чиқиш қила олади. У 170 фунтда (яримўрта вазн) камар учун жанг қилмаган, аммо 185 фунтда (ўрта вазн) чемпион. Агар у 205 фунтга (яримоғир вазн) кўтарилса, дивизионнинг ҳозирги ҳолатини ҳисобга олсак, у ердаги жангчилар учун жиддий муаммога айланиши мумкин. Ҳозир жуда қизиқ давр, айниқса Чимаев жамоаси учун — гўё бутун дунё унинг оёғи остида. Ва у бунга бепарво қарамайди. Кейин нима қилишини кўрамиз", — деди Кормье.