Коронавирус билан боғлиқ ҳолат туфайли учинчи теннисчи «Уимблдон-2022»ни тарк этди

«Бугун мен «Уимблдон» ташкилотчиларига ковид учун топширган тестим ижобий чиққани ҳақида хабар бердим. Яхшиямки, аломатлар жуда оғир эмас. Қўллаб-қувватлаганингиз учун барчангизга раҳмат. Тез орада қайтишга умид қиламан», — деб ёзди Баутиста-Агут ўзининг Twitter саҳифасига.

Бугун Баутиста-Агут турнирнинг иккинчи давра учрашувини Даниэль Элахи Галанга қарши ўтказиши керак эди. Аммо ушбу ҳолат туфайли колумбиялик теннисчи учинчи босқичга курашсиз чиқадиган бўлди. Учинчи дврада у Денис Шаповалов (Канада) - Брандон Накашима (АҚШ) жуфтлиги ғолиби билан ўйнайди.

Эслатиб ўтамиз, Роберто Баутиста-Агут ковид туфайли турнирни тарк этган учинчи теннисчи бўлди. Олдинроқ хорватиялик Марин Чилич ва италиялик Маттео Берреттини касаллик белгилари туфайли турнирдаги чиқишларини тўхтатган эди.