03 мар 22:30
Янгиликлар

Дзюдо

Коронавирус сабаб Рабат Гран-приси бекор қилинди

Хабар берганимиздек, 6-8 март кунлари Марокашнинг Рабат шаҳрида дзюдо бўйича Гран-при туркумига кирувчи турнир ўтказилиши лозим эди.

Аммо, бугун куннинг иккинчи ярмида Халқаро дзюдо федерацияси (IJF) барча аъзо мамлакат федерацияларига мактуб йўллаб, Африкадаги турнир бутун дунёда тарқалиб бораётган коронавирус сабаб ўтказилмаслигини маълум қилди.

Бунга биринчи галда Марокаш ҳукуматининг расмий баёноти ҳам сабаб бўлган. Ҳукумат қарори билан мамлакатдаги барча оммавий тадбирлар, шу жумладан спорт мусобақаларининг ўтказилиши ҳам вақтинчалик тўхтатилган.

Эслатиб ўтамиз, бугун тунда, аниқроғи 03:25да Ўзбекистон терма жамоаси делегацияси Тошкент - Истанбул - Рабат авиа рейси билан Африка қитъасининг Марокаш давлатига жўнаб кетиши лозим эди.