Коронавирус вақтида Эдди Хирндан янги ғоя: у жангларни ташкил этмоқчи

У ёпиқ эшиклар ортида, ТВ орқали кичик жанглар ташкил этмоқчи. Фақат, бунинг учун у Британия бокс уюшмасидан рухсат олиши лозим.

"Хирнда бир ғоя бор. Тўғри, у ҳозирча фақат Британия учун таалуқли. У ҳар куни онлайн тарзда бокс шоуларни намойиш этиш вариантини кўриб чиқмоқда. Унинг айтишича, у ТВда спорт соҳасида юзага келган бўшлиқни тўлдира олади. Хирн жангларни Sky Sports телеканалида намойиш этмоқчи. Унда Решат Мати ёки Никита Абабий каби америкалик ёш боксчилар иштирок этиши мумкин. Шунингдек британиялик боксчилар ҳам. Бу ерда гап кичик бокс оқшомлари ҳақида кетмоқда. Бундай жанглар боксчиларга нимадир ишлаб олиш имконини беради, балки ўзига яраша аудиторияни ҳам жалб қилиши мумкин. 

Ўзингиз қаранг. Биз ҳозир уйда ўтирибмиз ва кўрадиган нарса йўқ. Ўйлайманки, бу яхши ғоя. Афсуски, буни ҳозир АҚШда ташкил этиш мумкин эмас. Аммо, бу Британияда яхши қабул қилинса, вазиятдан фойдаланиш учун яхши имконият", - деди Sports Illustrated журналисти Крис Манникс.