17 янв 16:42
Янгиликлар

Теннис

Костюк 21 йиллик рекордни янгилади

Украиналик ёш теннисчи Марта Костюк Мельбурн шаҳри мезбонлик қилаётган Австралия Очиқ чемпионатидаги ўз иштироки билан барчани ажаблантиришда давом этмоқда.

Мураккаб кечган саралаш баҳслари орқали асосий тўрга етиб келган 15 ёшли Марта Australian Open мусобақаси тарихидаги квалификация, яъни саралашда иштирок этган энг ёш теннисчига айланганди.

Бугун у яна бир тарихий натижани янгилади. Костюк учинчи даврага йўл олиш баробарида 1997 йилдан бери “Катта Дубулға” туркумига кирувчи турнирларнинг ушбу босқичига етиб келган энг ёш теннисчи бўлди.

Марта 15 ёшу 6 ойлигида бу рекордни қайд этди. Бундан аввалги рекорд Мирьяна Лучич-Баронига тегишли эди. Бу борадаги мутлоқ рекорд эса швейцариялик афсонавий Мартина Хингис томонидан ўрнатилган. Хингиснинг рекордини янгилаши учун Костюк камида ярим финалга етиб келиши шарт.