19 мар 09:33
Янгиликлар
Бокс/ММА
Ковалёвнинг чемпионлик ҳимоя жангидаги рақиби маълум
Профессионал бокснинг ярим оғир вазн тоифасида WBO йўналиши чемпиони Сергей Ковалёв (32-2-1, 28КО) ёзда ўз камарини ҳимоя қилади.
Кеча унинг чемпионлик ҳимоя жангидаги рақиби маълум бўлди. Россиялик боксчи америкалик 27 ёшли енгилмас чарм қўлқоп устаси Маркс Браун (21-0, 16КО)га қарши рингга кўтарилади.
Ҳозирча бўлажак жангнинг аниқ санаси йўқ. Лекин Ковалёвнинг жамоаси жангнинг 23 июнь куни ўтказилиш эҳтимоли юқори эканлигини айтмоқда. Чемпионлик жангини HBO телеканали трансляция қилади.
Эслатиб ўтамиз, Сергей Ковалёвга ҳамюртимиз Аброр Турсунпўлатов мураббийлик қиляпти. Бу мутахассис Рио Олимпиадаси чемпиони Фазлиддин Ғоибназаровнинг мураббийи ҳисобланади.
Ҳавола :
Манба : allboxing.ru
Фикрлар