15 окт 08:28
Янгиликлар

Теннис

Кремль Кубоги. Истоминнинг илк даврадаги рақиби маълум бўлди

Россия Федерацияси пойтахти Москва шаҳрида давом этаётган нуфузли Кремль Кубогининг асосий тўрига қуръа ташланди.

Мусобақанинг мукофот жамғармаси 936 435 долларни ташкил қилади. VTB Kremlin Cup турнирида ҳамюртимиз Денис Истомин ҳам иштирок этади. Қуръа натижасига кўра мамлакатимизнинг биринчи ракетка илк даврада франциялик Жереми Шардига қарши кортга чиқадиган бўлди.

Таққослаш учун, турнирнинг еттинчи ракеткаси бўлган Шарди дунё рейтингида 41, Истомин эса 87-ўринни эгаллаб турибди. Истомин - Шарди учрашуви эртага соат 13:00да бошланиши белгилаб қўйилган. Теннисчилар шу кунгача ўзаро икки бор тўқнаш келишган ва биттадан ғалабага эришишган.