14 окт 10:02
Янгиликлар

Теннис

Кремль кубоги. Нигина саралаш учрашувида кортга чиқди

Россия Федерацияси пойтахти Москва шаҳрида теннис бўйича WTA Premier таснифига кирувчи нуфузли турнирнинг саралаш баҳслари давом этмоқда.

Соврин жамғармаси 932 866 АҚШ долларини ташкил этувчи Кремль кубогида икки ҳамюртимиз - Сабина Шарипова ҳамда Нигина Абдураимова ҳам иштирок этяпти. Сабина ўз учрашувида ғалабага эришиб, финал саралаш раундига йўл олди.

Афсуски, Нигина Абдураимова дастлабки даврадаёқ мағлубият аламини тотиб кўрди. Лекин рейтингда ўзидан анча юқорида турган рақибасига муносиб қаршилик кўрсата олди. WTA рейтингида 121-ўринда бораётган германиялик 30 ёшли Лаура Зигемунд рейтингнинг роппа-роса 400-поғонасидан жой олган Нигинани 2 соату 16 дақиқа давом этган баҳс якунида 7:6(2), 3:6, 6:3 ҳисобида мағлуб этди.