28 ноя 10:53
Янгиликлар

Бокс/ММА

Криштиану Роналду жанговар промоушен эгаларидан бирига айланди

Португалия терма жамоаси ҳамда "Ал-Насср" клубининг 40 ёшли ҳужумчиси Криштиану Роналду энди ўзини аралаш яккакураш бизнесида синаб кўради.

Криш WOWfc жанговар промоушенининг эгаларидан бирига айланди. Бу ҳақда Лига матбуот хизмати хабар бермоқда.

Маълумот учун, ушбу ташкилотнинг яна бир эгаларидан бири енгил вазн тоифасида амалдаги UFC чемпиони Испания шарафини ҳимоя қилаётган грузиялик 28 ёшли Илия Топурия ҳисобланади.

Бу йилги мавсумда Криштиану Роналду клуб ва терма жамоа сафида барча мусобақаларда 17 та ўйинда майдонга тушиб, 16 та гол урди ва 2 та голли узатмани амалга оширди. Португалиялик 2023 йилдан бери "Ал-Насср" шарафини ҳимоя қилиб келмоқда. Ҳужумчига энг катта шуҳратни "Манчестер Юнайтед" ва Мадриднинг "Реал" клубларидаги ўйинлари келтирган. Роналду "Олтин тўп" мукофотининг беш карра соҳиби ҳисобланади.