Кроуфорд Мадримов ҳақида: "У мени бунга мажбур қилди"

"Мен Мадримов супер ярим ўрта вазн тоифасида жанг қила олишига тўлиқ ишонаман. Исроил қийин рақиб эди. У мени 12 раунднинг ҳаммасини ўтказишга мажбур қилди. Унинг оёқлари тез, ритми яхши ва кучли эди. У менга қарши ҳужум қилиш имкониятини кутаётган эди, мен эса унга қарши ҳужум қилишни кутаётгандим.

Унинг услубини жанг бошидан тушундим, лекин сабр қилдим, ўтказиб юборишни хоҳламадим. У жуда интизомли эди, мен хоҳлагандек ваҳшиёна зарбалар бермасди. У яхши жанг қилди. Исроил ҳақиқатдан ҳам кучли рақиб. Биз уни супер ярим ўрта вазн тоифасидаги биринчи жангимиз учун танлаганимиз мен ва жамоам ҳақида кўп нарсани айтади", деди Кроуфорд.

Маълумот учун, 4 август тонгида ташкил этилган Теренс Кроуфорд - Исроил Мадримов чемпионлик жангида америкалик боксчи очколар ҳисобига кўра ғалаба қозонди.