23 мар 14:29
Янгиликлар

Бокс/ММА

Кубрат Пулев, Богдан Дину, Максим Дадашев тарозига чиқди ФОТО

Бизнинг вақт билан эртага тонг саҳар АҚШнинг Калифорния штатида профессионал бокс кечаси бўлиб ўтади.

Top Rank промоутерлик компанияси томонидан ташкил этилаётган бокс оқшоми иштирокчилари бугун анъанага кўра тарозидан ўтиш маросимида иштирок этишди. Яқиндагина Top Rank компанияси билан шартнома имзолаган Кубрат Пулев руминиялик Богдан Динуга қарши рингга кўтарилади.

Супероғир вазн тоифасида чемпионлик камари учун собиқ даъвогар бўлган 37 ёшли болгариялик боксчи 113,3 кг тош босди. Унинг рақиби Дину эса деярли 5 кг енгилроқ чиқди - 108,7 кг.

Яна бир қизиқарли жанг биринчи ярим ўрта вазн тоифасида ўтказилади. Унда россиялик Максим Дадашев филиппинлик Рикки Сисмудога қарши рингга чиқади. Дадашев ҳозирда IBF рейтингида тўртинчи, WBCда эса еттинчи ўринни эгаллаб турибди. Дадашев 63,7, Сисмудо эса 63,9 кг вазнга эга эканлиги ойдинлашди.