Кураш бўйича Ўзбекистон кубоги старт олди

Бугун Тошкент вилоятининг Чирчиқ шаҳрида кураш бўйича жамоалар ўртасида Ўзбекистон кубоги мусобақалари ўтказиляпти.

Ўзбекистон Давлат жисмоний тарбия ва спорт университетининг спорт мажмуасида ўтаётган беллашувлар эркаклар ўртасида 60, 66, 73, 81, 90, 100 кг.гача ҳамда ундан юқори, аёллар ўртасида эса 48, 52, 57, 63, 70, 78, 87 кг.гача ва ундан юқори бўлган вазн тоифаларида ташкил этилди.

Ўзбекистон кубогининг эркаклар ўртасидаги мусобақаларида 2000 йилда туғилган ва ундан катта ёшдаги полвонлар, аёллар орасида эса 2001 йилда туғилган ва ундан катта ёшдаги спортчилар ғолиблик учун беллашмоқдалар.

Мусобақа Низомига кўра ҳар бир жамоа таркибидан кўпи билан 14 нафар эркак ва 16 нафар аёл спортчи ўрин олиши ва беллашувларда иштирок этиши мумкин.

Ўзбекистон кураш федерацияси матбуот хизмати