UZ

Сўнгги янгиликлар

09:22Ассакалов чорак финалда мағлуб бўлди 4 08:57"Рома" бош менежери Шомуродов ҳақида: "У Моуринью истаган сифатларга эга" 0 08:37Рустам Ассакаловнинг чорак финалдаги рақиби маълум 0 08:33Токио-2020. Ўзбекистонлик спортчиларнинг иштирокидан ОНЛАЙН 48 08:30Элнурнинг мағлуб бўлган жангдан олинган фотосуратларни томоша қилинг 0 08:22Рустам Ассакалов амалдаги жаҳон чемпионини мағлуб этди ва чорак финалга йўл олди 2 08:21Элнур Абдураимов учун ҳам Олимпиада якунланди 7 08:04Элдор Шомуродов - "Рома" ўйинчиси. Қайноқ ФОТОГАЛЕРЕЯни қарши олинг! 0 07:44Зоировнинг жароҳат олиб, жангни охиргача етказа олмаган жангидан ФОТОГАЛEРEЯ 2 07:38Ҳакамлар ҳужжатидан кўчирма. Зоиров жароҳат олгунга қадар қандай натижа қайд этаётганди? 0 07:30Шаҳобиддин Зориов ярим финалга чиқа олмади 2 06:48Енгил атлетика. Руслан Курбанов кутилганидек омадсизликка учради 1 22:22"Ундан олтин медални ўмариб кетишди" 0 19:41Bellator раҳбари Доғистон жангчилари ҳақида фикр билдирди 0 19:15Хасбик ва Абдурозик дўстга айланишди +ВИДEО 2

25 фев 12:37
Янгиликлар

Кураш, Осиё ўйинлари

Кураш. Энди Осиё ўйинларида 7 та эмас, 17 та медаллар жамланмаси ўйналади

Хабарингиз бор, 2018 йилги Осиё ўйинларида кураш илк маротаба мусобақа дастуридан ўрин олди.

Индонезия мезбонлик қилган ўйинларда миллий спортимиз бўйича 7 та вазн тоифасида баҳслар ташкил қилинди. Бу албатта бизни қувонтирмай қўймайди.

Кеча юртимизга Осиё Олимпия Кенгаши президенти Шайх Аҳмад Ал-Фаҳад Ал-Сабах бошчилигидаги делегация вакиллари ташриф буюрганликлари ҳақида маълум қилгандик. Мазкур делегация таркибида Халқаро кураш ассоциацияси президенти, ООК Осиё ўйинлари департаменти директори Ҳайдар Фармон ҳам Ўзбекистонга келган.

Бугун Миллий олимпия қўмитаси президенти Умид Аҳмаджонов пойтахтимиздаги «Hyatt Regency» меҳмонхонасида Ҳайдар Фармон билан учрашув ўтказди. Унда ўзбек миллий спорти ҳисобланган курашнинг Осиё ўйинларидаги ўрнини мустаҳкамлаш йўлида музокаралар олиб борилди. 

Учрашувда МОҚ раҳбари мусобақанинг кураш бўйича баҳсларида вазнлар тоифасини кўпайтириш ғоясини илгари сурди. Ушбу таклиф Халқаро кураш ассоциацияси президенти томонидан ҳам қўллаб-қувватланди. Бу бўйича Осиё Олимпия Кенгаши ҳулосаси Ҳанчжоу-2022, Нагоя-2026 ўйинлари ташкилий қўмитасига ҳам юборилди.

Демак, учрашув якунларига кўра, 2022 йилги Осиё ўйинларидан бошлаб кураш 15 та вазн тоифасида (7 та эркаклар, 8 та аёллар) ташкил этилади. Шунингдек, эркаклар ва аёллар ўртасида жамоавий беллашувлар ҳам ўйинлар дастуридан ўрин олади. Шу тариқа, миллий спортимиз нуфузи Осиё ўйинларида янада кўтарилади ва кураш баҳсларда умумий ҳисобда 17 та медаллар жамланмаси ўйналади.

Эслатиб ўтамиз, 2018 йилги Осиё ўйинларида 7 та вазн тоифасида (4 та эркаклар, 3 та аёллар) беллашувлар ўтказилган. Мусобақада юртимиз шарафини ҳимоя қилган 14 спортчидан 12 нафари медалларга сазовор бўлганди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг