Кутганмидингиз? Шоҳжаҳон Эргашевнинг Батир Жукембаев билан жанги қолдирилди

9 май куни Тошкентдаги "Ҳумо Арена" саройи All Stars Entertainment компанияси томонидан ташкил этиладиган навбатдаги профессионал бокс оқшомига мезбонлик қилиши керак эди. Бироқ мусобақа бекор бўлди.

Турнир доирасида ҳамюртимиз Шоҳжаҳон Эргашевнинг Қозоғистон вакили Батир Жукембаевга қарши жанг ўтказиши белгиланганди. 

Маълум бўлишича, энди Эргашев ва Жукембаев жанги, шунингдек, турнир кардидан ўрин олган бошқа беллашувлар 6 июнь куни ўтказилади. Манзил ўзгаришсиз қолган.

Шоҳжаҳон фаолияти давомида шу кунга қадар 28 та жанг ўтказиб, 26 ғалаба ва 2 мағлубият қайд этган. Жукембаев ҳисобида эса 24 та ғалаба ва 1 та мағлубият бор.