11 авг 11:26
Янгиликлар

Бокс/ММА

Кутилмаган хабар: Пакьяо — Спенс жанги бекор қилинди. Мэннида янги рақиб!

WBC ва IBF йўналишлари чемпиони Эррол Спенс ҳамда саккиз вазнда собиқ жаҳон чемпиони Мэнни Пакьяо ўртасидаги жанг бекор қилинди.

Жангнинг бекор қилинишига Спенснинг кўзидан олган жароҳати сабаб бўлган. Пакьяонинг кейинги рақиби WBC чемпионлик камарига собиқ даъвогар Йорденис Угас бўлади.

Эслатиб ўтамиз, узоқ кутилган Спенс - Пакьяо чемпионлик жанги 21 август куни Лас-Вегас шаҳридаги "Ти-Мобайл Арена"да ўтказилиши керак эди. 42 ёшли Пакьяо сўнгги бор 2019 йилнинг июль ойида рингга чиққан ва ўшанда очколар ҳисобига кўра Кит Турманни мағлуб этиб, унинг яримўрта вазндаги WBA Super камарини тортиб олган эди.