12 апр 12:27
Янгиликлар

Футбол

Ламин Ямаль Испания чемпионати рекордини ўрнатди

"Барселона" клуби Испания чемпионатининг 31-турида ўз майдонида "Эспаньол" жамоасини 4:1 ҳисобида енгди.

Каталонлар вингери Ламин Ямаль ўйинни асосий таркибда бошлаб, бир гол урди ва иккита голли узатма берди. Кечаги учрашув Ямаль учун Ла Лигадаги 100-ўйини бўлди. У бу натижага 18 ёшу 272 кунлигида эришди.

Шу тариқа, Ламин "Реал"нинг собиқ ҳужумчиси Раулнинг рекордини янгилади. Рауль Гонсалес ўзининг 100-ўйинини 19 ёшу 284 кунлигида ўтказган эди.

Шунингдек, ушбу натижага эришган энг ёш футболчилар сафига Икер Муниаин (19 ёш 293 кун), Хосеба Эчеберрия (20 ёш 177 кун) ва Боян Кркич (20 ёш 203 кун) ҳам киради.