13 фев 13:20
Янгиликлар

Теннис

Лайма Владсон иштирокидаги учрашув якунига етмай қолди

Туркиянинг Анталия шаҳрида теннис бўйича аёллар ўртасида W35 туркумига кирувчи ITF турнири бўлиб ўтмоқда.

Мусобақанинг илк даврасида Ўзбекистон терма жамоаси аъзоси Лайма Владсон рейтингда ўзидан деярли 500 поғона юқорида турган Грузия вакиласи София Шапатовани 6/4, 6/0 ҳисобида мағлубиятга учратган эди.

Афсуски, ёмғир сабаб бир неча бор вақти ўзгарган иккинчи босқич баҳсида 18 ёшли Владсон мағлубиятга учради. Аниқроғи, у италиялик Женнифер Руггерига қарши кечган учрашувни жароҳат сабаб якунига етказа олмади. Биринчи сетнинг cаккизинчи геймидан кейин учрашув тўхтатилди ва италиялик теннисчи 1/4 финалга йўл олди. Бу вақтга келиб у 5/3 ҳисобида ғалаба қозонаётган эди.

Таққослаш учун, Лайма Владсон ҳозирда WTA рейтингида 873, София Шапатова 409, Женнифер Руггери эса 317-ўринни эгаллаб турибди.