Асосий тўрга саралаш турнири орқали етиб келган теннисчимизнинг эртаги 1/4 финалда якунланди

Ўзбекистоннинг тўртинчи ракеткаси Лайма Владсон ушбу мусобақанинг саралаш босқичидаги муваффақиятли иштироки сабаб асосий тўрга етиб келганди. Вакиламиз 1/16 финалда мусобақанинг бешинчи ракеткаси, германиялик Йоханна Брокманнни 6/2, 6/1, 1/8 финалда дунёнинг 317-ракеткаси, эстониялик Елена Малигинани 6/3, 2/6, 6/2 ҳисобида мағлубиятга учратган эди.

Бироз аввал якунига етган 1/4 финал баҳсида эса охир-оқибат тажриба ўз сўзини айтди. Лайма WTA рейтингида 507-поғонада бораётган чехиялик Анета Лабутковага 3/6, 1/6 ҳисобида имкониятни бой бериб, мусобақадаши иштирокини якунлади. Владсон айни пайтда WTA рейтингида 795-ўринни эгаллаб турибди.