Асосий тўрга саралаш турнири орқали етиб келган теннисчимиз рейтингда ўзидан 530 поғона юқоридаги рақибасини "сочиб" ташлади

Ўзбекистоннинг тўртинчи ракеткаси Лайма Владсон ушбу мусобақанинг саралаш босқич ҳал қилувчи учрашувида украиналик Анастасия Фирманни 6:3, 6:1 ҳисобида мағлуб этиб, асосий тўрга йўлланма олган эди.

Эътиборлиси, вакиламиз асосий тўрнинг 69 дақиқа давом этган илк давра баҳсида мусобақанинг бешинчи ракеткаси, германиялик Йоханна Брокманн устидан осонлик билан ғалабага эришди - 6/2, 6/1. 

Таққослаш учун, Владсон айни пайтда WTA рейтингида 795, Брокманн 265-ўринни эгаллаб турибди. Айни мана шу дақиқаларда Лайма 1/8 финалда эстониялик Елена Малигинага қарши кортга чиққан. 26 ёшли Малигина дунёнинг 317-ракеткаси бўлиб турибди.