18 апр 07:47
Янгиликлар

Бокс/ММА

Леннокс Льюис - Майк Тайсон жанги рефериси коронавирус сабаб вафот этди

Супероғир вазн тоифаси афсоналари британиялик Леннокс Льюис ҳамда америкалик Майк Тайсон ўртасидаги супержангда ҳакамлик қилган Эдди Коттон коронавирус қурбонига айланди.

72 ёшли собиқ рефери кеча, 17 апрель куни АҚШнинг Нью-Жерси штати Патерсон шаҳрида коронавирус сабаб вафот этган. Коттон бу касаллик билан бир ҳафта курашган.

Маълумот учун, Эдди Коттон бокс рефериси сифатида 40 йил фаолият юритган. Сўнгги бор 2013 йилда ҳакамлик қилган. У ўша йили Тайсона Фьюри, Геннадий Головкина, Марко Хук иштирокидаги тўртта жангни бошқарган. Унинг фаолиятидаги энг ёрқин жанг 2002 йили ўтказилган Майк Тайсон ва Леннокс Льюис ўртасидаги чемпионлик жанги бўлиб қолди.

Бундан ташқари, Эдди Коттон Владимир Кличко, Бернард Хопкинс, Келли Павлик, Олега Маскаев, Шейн Мосли, Жорж Форман сингари машҳур чарм қўлқоп усталари иштирокидаги жангларда ҳакамлик қилган. Унинг икки фарзанди ва бир набираси бор эди.