24 ноя 17:28
Янгиликлар

Бокс/ММА

Линарес Ломаченко билан реванш учун яна енгил вазнга қайтади

Учта вазн тоифасида собиқ жаҳон чемпиони Хорхе Линарес украиналик Василий Ломаченкога қарши реванш жанги ўтказишни режалаштирмоқда.

Линарес шу йилнинг сентябрь ойида биринчи ярим ўрта вазн тоифасида илк жангини ўтказганди. Хорхе Василий Ломаченко билан реванш учун ҳам яна вазнини ўзгартиришга тайёр. Айнан украиналик жаҳон чемпиони май ойида Линаресдан енгил вазн тоифасидаги WBA камарини тортиб олган эди.

“Фақат реванш учунгина мен Василий Ломаченконинг вазнида жанг ўтказишга рози бўламан. Бошқа ҳар қандай таклиф менинг фикримни ўзгартира олмайди. Мени бошқа жанглар қизиқтирмайди. Айни пайтда Golden Boy промоутеридан бу борада жавоб кутяпмиз.

Лекин унгача январь ойида спорт формамни ушлаб туриш учун рейтинг ўтказаман. Бу дивизионда менга муносиб рақиб IBF чемпиони Морис Хукер бўлиб турибди”, - деди Линарес ESPN каналига берган интервьюсида.