«Ломаченко ва Усикка Украинани тарк этиш учун рухсат беришди»

Тоp Rank президенти Боб Арум Василий Ломаченко ва Александр Усик Россия Федерацияси билан уруш пайтида Украинани тарк этиши мумкинлигини айтди.

Промоутернинг сўзларига кўра, Украина ҳукумати боксчилар учун истиснолар қилган, чунки ҳарбий ҳолат туфайли 18 ёшдан 60 ёшгача бўлган эркаклар учун Украинадан чиқиб кетиш тақиқланган.

«Украина ҳукумати Ломаченко ва Усик ҳақида гап кетганда биз билан доимо алоқада бўлади. Улар Украинани тарк этишлари, тайёргарлик кўришлари ва титуллар учун курашларда қатнашишларининг ажойиб ижтимоий аҳамиятини тушунишади. Умид қиламанки, уруш тез орада тугайди».

Арумнинг айтишича, боксчилар ҳали Украинани тарк этиш ёки кетмаслик ҳақида бир қарорга келмаган.

«Мен иккала йигит Украина Маданият вазирининг мамлакатни тарк этиб, жангга тайёргарлик кўриш таклифини қабул қиладиларми ёки йўқми, буни билмайман», - деди Арум.