«Лондон-2017 Пара-атлетика» ЖЧда Ўзбекистон делегациясининг муваффақиятли иштироки давом этмоқда

Лондонда бўлиб ўтаётган жаҳон чемпионатида ҳамюртларимиз яна 2та медални қўлга киритдилар. Улардан эркаклар ўртасида енгил атлетиканинг найза отиш тури бўйича иштирок этган хамюртимиз Александр Свечников 71.01м натижаси билан навбатдаги олтин медални қўлга киритди ва жаҳон рекордини янгилади. 2-ўринни эронлик спортчи Никараст Нажат 61.88м натижа билан эгаллаган бўлса, 3-ўрин 61.53м натижа билан испаниялик Кабрера Лэсерга насиб этди.

Аёллар ўртасида кечган баҳсда эса ҳамюртимиз Нозима Қаюмова 41.25м. натижаси билан хитойлик рақиби Зао Юпингга (42.72м.) бой берди. Якунда у иккинчи ўринни эгаллаб, кумуш медали соҳибасига айланди. 3-ўрин эса австриялик спортчи Эдер Наталияга (38.37м.) насиб этди.

Эслатиб ўтамиз, мазкур чемпионат 10 кун давом этади ва 1050та спортчилар 213та медалли ўринлар учун куч синашадилар. Шулар орасида паралимпия спортчимиз Хуснуддин Норбеков 15 июль куни 54.73 натижа билан биринчи ўринни эгаллаб, иккинчи маротаба Жахон чемпиони унвонини қўлга киритган эди. Иккинчи олтин медални эса Дониёр Салиев узунликка сакраш бўйича 7.18м. натижаси билан қўлга киритган эди.