06 фев 13:50
Янгиликлар
Оғир атлетика
Лос-Анжелес-2028 Олимпия ўйинларига саралаш тизими тасдиқланди
ХОҚ ва Халқаро оғир атлетика федерацияси "Лос-Анжелес-2028" ёзги Олимпия ўйинлари учун саралаш тизими тасдиқланганини эълон қилди.
Унга кўра, 2028 йилда бўлиб ўтадиган XXXIV ёзги Олимпия ўйинларида 120 нафар оғир атлетикачи ( 60 нафар эркак ва 60 нафар аёл) иштирок этади.
Мусобақалар эркаклар ўртасида -65, -75, -85, -95, -110 ва +110 кг, аёллар ўртасида эса -53, -61, -69, -77, -86 ва +86 кг вазн тоифаларида ўтказилади.
Олимпия ўйинларига саралаш мусобақалари жорий йилнинг июль ойидан бошланиб, 2028 йил май ойига қадар давом этади.
Ушбу давр мобайнида дунёнинг энг кучли оғир атлетикачилари жаҳон ва қитъа чемпионатлари, йўлланма тақдим этадиган турнирларни қамраб олган 10 та мусобақада Олимпия ўйинлари йўлланмаси учун кечадиган муросасиз курашларда қатнашади.
Эслатиб ўтамиз, 2027 йили пойтахтимиз Тошкент Олимпия саралаш мусобақаларидан бирига мезбонлик қилади.
Ҳавола :
Манба : UZA
Фикрлар