Луис Энрике Гвардиоланинг рекордини янгилади

Мюнхеннинг "Бавария" жамоаси устидан қозонилган ўта голларга бой ва драмали ғалаба (5:4) испаниялик мутахассис учун турнирдаги юбилей 50-ғалаба бўлди.

Энг асосийси, Энрике ушбу кўрсаткичга энг қисқа вақт ичида эришган мураббийга айланди. Унга 50 та ғалаба учун бор-йўғи 77 та ўйин кифоя қилди.

Бу борадаги аввалги рекорд "Манчестер Сити" устози Пеп Гвардиолага тегишли эди. Пеп ўз вақтида 50 та ғалабани қўлга киритиш учун 80 та учрашув ўтказган.

ЕЧЛда 50 та ғалабага энг тез эришган мураббийлар:

Луис Энрике — 77 та ўйин;

Пеп Гвардиола — 80 та ўйин.