Луисвиллдаги UFC турнирининг co-main event жанги тасдиқланди

Ташкилотчилар томонидан UFC on ESPN 57 турнирининг яна бир жанги эълон қилинди. Яримоғир вазн тоифасида ўтказиладиган ушбу уч раундлик жангда Доминик Рейес Дастин Жейкобига қарши октагонга кўтарилади. Ушбу баҳс оқшомнинг co-main event жанги бўлади. 

Маълумот учун, 34 ёшли Доминик Рейес 4 та мағлубиятли серия билан келмоқда. Қизиғи, у сўнгги жангида Богдан Гусковнинг эртанги рақиби Райан Спэннга ютқазиб қўйганди. Спэнн Рейесни биринчи раунддаёқ нокаутга учратган эди. 36 яшар Дастин Жейкоби эса охирги 4 та жангининг 3 тасида мағлубият аламини тотиб кўрган. Сўнгги жангида ҳакамлар қарорига кўра Алонзо Менифилдга имкониятни бой берганди.

Айни пайтда Доминик Рейес яримоғир вазн тоифаси рейтингида 14-ўринни эгаллаб турибди. Дастин Жейкоби эса дивизионнинг Топ-15 жангчилари рўйхатига кирмайди.